Waaqayyo Masaraa siif ta'a!

Masaraa si taha

Ati Isa keessa turi:Waaqayyoo si oolchaa! Waaqayyo isa hundumaa danda’utti kooluu galuudhaan, gaaddisa isa jalas jiraachuudhaan hameenya barootaa jalaa miliquu danda'un dhugaa hin sochoone tokko dha (Far.91:1-6). Yeroo safaan nama miidhu, gaaddis ni barbaadama; yeroo sodaan nama qabatu, namni waan jala dhokatee oolu barbaada. Waaqayyo jala namni lixu, Isuma keessattis namni hafu, hamaa jalaa ni baraarama. Moototaa fi gurguddoota, qabeessotaa fi jajjaboota, firaa fi hiriyoota, horii fi beekumsa ofii jala dhokatanii jiraachuun garuu jireenya namaa saaxilamaa (vulnerable) godha. Waaqayyotti kooluu galuun garuu jireenyuma saaxilamaa fakkaatu iyyuu oolchee ulfinaan ga’a. Sagaleen Waaqayyoos akkas jedha, “Amanamummaan Waaqayyoo gaachanaa fi masaraa siif ni ta’a”.